दोहा

निश्चय प्रेम प्रतीति ते, बिनय करैं सनमान ।

तेहि के कारज सकल शुभ, सिद्ध करैं हनुमान ॥

चौपाई

जय हनुमन्त सन्त हितकारी । सुन लीजै प्रभु अरज हमारी ॥

जन के काज बिलम्ब न कीजै । आतुर दौरि महा सुख दीजै ॥

जैसे कूदि सिन्धु महि पारा । सुरसा बदन पैठि बिस्तारा ॥

आगे जाय लङ्किनी रोका । मारेहु लात गई सुरलोका ॥

जाय बिभीषन को सुख दीन्हा । सीता निरखि परमपद लीन्हा ॥

बाग उजारि सिन्धु महँ बोरा । अति आतुर जमकातर तोरा ॥

अक्षय कुमार मारि संहारा । लूम लपेटि लङ्क को जारा ॥

लाह समान लङ्क जरि गई । जय जय धुनि सुरपुर नभ भई ॥

अब बिलम्ब केहि कारन स्वामी । कृपा करहु उर अन्तरयामी ॥

जय जय लखन प्रान के दाता । आतुर ह्वै दुख करहु निपाता ॥

जै हनुमान जयति बलसागर । सुर समूह समरथ भटनागर ॥

ॐ हनु हनु हनु हनुमन्त हठीले । बैरिहि मारू बज्र की कीले ॥

गदा बज्र लै बैरिहिं मारो । महाराज प्रभु दास उबारो ॥

ओङ्कार हुङ्कार महाप्रभु धावो । बज्र गदा हनु विलम्ब न लावो ॥

ॐ ह्रीं ह्रीं ह्रीं हनुमन्त कपीशा । ॐ हुं हुं हुं हनु अरि उर सीशा ॥

सत्य होहु हरि सपथ पाइ कै । राम दूत धरू मारू धाइ कै ॥

जय जय जय हनुमन्त अगाधा । दुख पावत जन केहि अपराधा ॥

पूजा जप तप नेम अचारा । नहिं जानत हौं दास तुम्हारा ॥

बन उपबन मग गिरि गृह माहीं । तुम्हरे बल हौं डरपत नाहीं ॥

जय अञ्जनि कुमार बलवन्ता । शङ्करसुवन बीर हनुमन्ता ॥

बदन कराल काल-कुल-घालक । राम सहाय सदा प्रतिपालक ॥

भूत प्रेत पिसाच निसाचर । अगिन बेताल काल मारी मर ॥

इन्हें मारू तोहि सपथ राम की । राखु नाथ मरजाद नाम की ॥

जनकसुता हरि दास कहावौ । ताकी सपथ बिलम्ब न लावौ ॥

जै जै जै धुनि होत अकासा । सुमिरत होय दुसह दुख नासा ॥

चरन पकरि कर जोरि मनावौं । यहि औसर अब केहि गोहरावौं ॥

उठु उठु चलु तोहि राम दुहाई । पायँ परौं कर जोरि मनाई ॥

ॐ चं चं चं चं चपल चलन्ता । ॐ हनु हनु हनु हनु हनुमन्ता ॥

ॐ हं हं हाँक देत कपि चञ्चल । ॐ सं सं सहमि पराने खलदल ॥

अपने जन को तुरत उबारौ । सुमिरत होय आनन्द हमारौ ॥

यह बजरङ्ग-बाण जेहि मारै । ताहि कहौ फिरि कवन उबारै ॥

पाठ करै बजरङ्ग-बाण की । हनुमत रक्षा करै प्रान की ॥

यह बजरङ्ग बाण जो जापैं । तासों भूत-प्रेत सब कापैं ॥

धूप देय जो जपै हमेसा । ताके तन नहिं रहै कलेसा ॥

दोहा

उर प्रतीति दृढ़ सरन ह्वै, पाठ करै धरि ध्यान ।

बाधा सब हर करैं सब काम सफल हनुमान ॥

Doha

Niścaya prema pratīti te, binaya karaiṃ sanamāna |

Tehi ke kāraja sakala śubha, siddha karaiṃ Hanumāna ||

Chaupai

Jaya Hanumanta santa hitakārī | suna lījai prabhu araja hamārī ||

Jana ke kāja bilamba na kījai | ātura dauri mahā sukha dījai ||

Jaise kūdi sindhu mahi pārā | Surasā badana paiṭhi bistārā ||

Āge jāya Laṅkinī rokā | mārehu lāta gaī suralokā ||

Jāya Bibhīṣana ko sukha dīnhā | Sītā nirakhi paramapada līnhā ||

Bāga ujāri sindhu mahã borā | ati ātura jamakātara torā ||

Akṣaya kumāra māri saṃhārā | lūma lapeṭi Laṅka ko jārā ||

Lāha samāna Laṅka jari gaī | jaya jaya dhuni surapura nabha bhaī ||

Aba bilamba kehi kārana svāmī | kṛpā karahu ura antarayāmī ||

Jaya jaya Lakhana prāna ke dātā | ātura hvai dukha karahu nipātā ||

Jai Hanumāna jayati balasāgara | sura samūha samaratha bhaṭanāgara ||

Oṃ hanu hanu hanu Hanumanta haṭhīle | bairihi mārū bajra kī kīle ||

Gadā bajra lai bairihiṃ māro | mahārāja prabhu dāsa ubāro ||

Oṅkāra huṅkāra mahāprabhu dhāvo | bajra gadā hanu vilamba na lāvo ||

Oṃ hrīṃ hrīṃ hrīṃ Hanumanta kapīśā | Oṃ huṃ huṃ huṃ hanu ari ura sīśā ||

Satya hohu Hari sapatha pāi kai | Rāma dūta dharū mārū dhāi kai ||

Jaya jaya jaya Hanumanta agādhā | dukha pāvata jana kehi aparādhā ||

Pūjā japa tapa nema acārā | nahiṃ jānata hauṃ dāsa tumhārā ||

Bana upabana maga giri gṛha māhīṃ | tumhare bala hauṃ ḍarapata nāhīṃ ||

Jaya Añjani kumāra balavantā | Śaṅkarasuvana bīra Hanumantā ||

Badana karāla kāla-kula-ghālaka | Rāma sahāya sadā pratipālaka ||

Bhūta preta pisāca nisācara | agina betāla kāla mārī mara ||

Inheṃ mārū tohi sapatha Rāma kī | rākhu nātha marajāda nāma kī ||

Janakasutā Hari dāsa kahāvau | tākī sapatha bilamba na lāvau ||

Jai jai jai dhuni hota akāsā | sumirata hoya dusaha dukha nāsā ||

Carana pakari kara jori manāvauṃ | yahi ausara aba kehi goharāvauṃ ||

Uṭhu uṭhu calu tohi Rāma duhāī | pāyã paraūṃ kara jori manāī ||

Oṃ caṃ caṃ caṃ caṃ capala calantā | Oṃ hanu hanu hanu hanu Hanumantā ||

Oṃ haṃ haṃ hā̃ka deta kapi cañcala | Oṃ saṃ saṃ sahami parāne khaladala ||

Apane jana ko turata ubārau | sumirata hoya ānanda hamārau ||

Yaha Bajaranga-bāṇa jehi mārai | tāhi kahau phiri kavana ubārai ||

Pāṭha karai Bajaranga-bāṇa kī | Hanumata rakṣā karai prāna kī ||

Yaha Bajaranga bāṇa jo jāpaiṃ | tāsoṃ bhūta-preta saba kāpaiṃ ||

Dhūpa deya jo japai hamesā | tāke tana nahiṃ rahai kalesā ||

Doha

Ura pratīti dṛṛha sarana hvai, pāṭha karai dhari dhyāna |

Bādhā saba hara karaiṃ saba kāma saphala Hanumāna ||