सामवेदसंहिता (कौथुमीया) · Purvarchika
पञ्चमप्रपाठकः · प्रथमा दशतिः
Ask AIगृणे तदिन्द्र ते शव उपमां देवतातये ।यद्धंसि वृत्रमोजसा शचीपते ॥ ३९१ ॥
यस्य त्यच्छम्बरं मदे दिवोदासाय रन्धयन् ।अयं स सोम इन्द्र ते सुतः पिब ॥ ३९२ ॥
एन्द्र नो गधि प्रिय सत्राजिदगोह्य ।गिरिर्न विश्वतः पृथुः पतिर्दिवः ॥ ३९३ ॥
य इन्द्र सोमपातमो मदः शविष्ठ चेतति ।येना हंसि न्या३त्रिणं तमीमहे ॥ ३९४ ॥
तुचे तुनाय तत्सु नो द्राधीय आयुर्जीवसे ।आदित्यासः समहसः कृणोतन ॥ ३९५ ॥
वेत्था हि निरृतीनां वज्रहस्त परिवृजं ।अहरहः शुन्ध्युः परिपदामिव ॥ ३९६ ॥
अपामीवामप स्त्रिधमप सेधत दुर्मतिं ।आदित्यासो युयोतना नो अंहसः ॥ ३९७ ॥
पिबा सोममिन्द्र मन्दतु त्वा यं ते सुषाव हर्यश्वाद्रिः ।सोतुर्बाहुभ्यां सुयतो नार्वा ॥ ३९८ ॥
Samaveda by the Vedic rishis (seers), whose verses the Samaveda gathers to be sung. Sanskrit text of the Kauthuma Samhita (1,875 verses: the Purvarchika with its Aranyaka and Mahanamni verses, and the Uttararchika), as transcribed by the contributors of Sanskrit Wikisource. Verse 1315, missing from its chapter page, is taken from Wikisource’s accented text of the whole Samhita, as printed there.. Source: Sanskrit Wikisource. The Samaveda itself is ancient and in the public domain; this transcription is shared by Wikisource under CC BY-SA 4.0.