अथर्ववेदसंहिता (शौनकीया) · Kanda 15
सूक्तम् १५.१४
Ask AIऋषिः — अथर्वा · दे. अध्यात्मम्, व्रात्यः। १ त्रिपदा अनुष्टुप्, - - - - -- -
1स यत्प्राचीं दिशमनु व्यचलन् मारुतं शर्धो भूत्वानुव्यचलन् मनोऽन्नादं कृत्वा । [१]
2मनसान्नादेनान्नमत्ति य एवं वेद ॥१॥ [२]
3स यद्दक्षिणां दिशमनु व्यचलदिन्द्रो भूत्वानुव्यचलद्बलमन्नादं कृत्वा । [३
4बलेनान्नादेनान्नमत्ति य एवं वेद ॥२॥ [४]
5स यत्प्रतीचीं दिशमनु व्यचलद्वरुणो राजा भूत्वानुव्यचलदपोऽन्नादीः कृत्वा [५]
6अद्भिरन्नादीभिरन्नमत्ति य एवं वेद ॥३॥ [६]
7स यदुदीचीं दिशमनु व्यचलत्सोमो राजा भूत्वानुव्यचलत्सप्तर्षिभिर्हुत आहुतिमन्नादीं कृत्वा । [७]
8आहुत्यान्नाद्यान्नमत्ति य एवं वेद ॥४॥ [८]
9स यद्ध्रुवां दिशमनु व्यचलद्विष्णुर्भूत्वानुव्यचलद्विराजमन्नादीं कृत्वाविराजान्नाद्यान्नमत्ति य एवं वेद ॥५॥ [१०]
10स यत्पशून् अनु व्यचलद्रुद्रो भूत्वानुव्यचलदोषधीरन्नादीः कृत्वा । [११]
11ओषधीभिरन्नादीभिरन्नमत्ति य एवं वेद ॥६॥ [१२]
12स यत्पितॄन् अनु व्यचलद्यमो राजा भूत्वानुव्यचलत्स्वधाकारमन्नादं कृत्वास्वधाकारेणान्नादेनान्नमत्ति य एवं वेद ॥७॥ [१४]
13स यन् मनुष्यान् अनु व्यचलदग्निर्भूत्वानुव्यचलत्स्वाहाकारमन्नादं कृत्वास्वाहाकारेणान्नादेनान्नमत्ति य एवं वेद ॥८॥ [१६]
14स यदूर्ध्वां दिशमनु व्यचलद्बृहस्पतिर्भूत्वानुव्यचलद्वषट्कारमन्नादं कृत्वावषट्कारेणान्नादेनान्नमत्ति य एवं वेद ॥९॥ [१८]
15स यद्देवान् अनु व्यचलदीशानो भूत्वानुव्यचलन् मन्युमन्नादं कृत्वा । [१
16मन्युनान्नादेनान्नमत्ति य एवं वेद ॥१०॥ [२०]
17स यत्प्रजा अनु व्यचलत्प्रजापतिर्भूत्वानुव्यचलत्प्राणमन्नादं कृत्वा ।प्राणेनान्नादेनान्नमत्ति य एवं वेद ॥११॥ [२२]
18स यत्सर्वान् अन्तर्देशान् अनु व्यचलत्परमेष्ठी भूत्वानुव्यचलद्ब्रह्मान्नादं कृत्वा । [२३]
19ब्रह्मणान्नादेनान्नमत्ति य एवं वेद ॥१२॥ [२४]
Atharvaveda by the Vedic rishis (seers), Atharvan and Angiras first among them, each named with their hymns. Sanskrit text of the Shaunaka Samhita (20 kandas, 731 suktas), with each sukta’s rishi, deity and metre, as transcribed by the contributors of Sanskrit Wikisource. Source: Sanskrit Wikisource. The Atharvaveda itself is ancient and in the public domain; this transcription is shared by Wikisource under CC BY-SA 4.0.