॥ श्री विन्ध्येश्वरी स्तोत्रम् ॥ shri vindhyeshwari stotram ॥
Durga stotram in Sanskrit. Sung during Navratri.
श्री विन्ध्येश्वरी स्तोत्रम् (भजामि विन्ध्यवासिनीम्)
Shri Vindhyeshwari Stotram (Bhajami Vindhyavasinim)
निशुम्भशुम्भमर्दिनीं प्रचण्डमुण्डखण्डनीम्।
वने रणे प्रकाशिनीं भजामि विन्ध्यवासिनीम्॥१॥
त्रिशूलमुण्डधारिणीं धराविघातहारिणीम्।
गृहे गृहे निवासिनीं भजामि विन्ध्यवासिनीम्॥२॥
दरिद्रदुःखहारिणीं सतां विभूतिकारिणीम्।
वियोगशोकहारिणीं भजामि विन्ध्यवासिनीम्॥३॥
लसत्सुलोललोचनां जने सदा वरप्रदाम्।
कपालशूलधारिणीं भजामि विन्ध्यवासिनीम्॥४॥
करे मुदा गदाधरीं शिवा शिवप्रदायिनीम्।
वरां वराननां शुभां भजामि विन्ध्यवासिनीम्॥५॥
ऋषीन्द्रजामिनीप्रदां त्रिधास्वरूपधारिणीम्।
जले स्थले निवासिनीं भजामि विन्ध्यवासिनीम्॥६॥
विशिष्टसृष्टिकारिणीं विशालरूपधारिणीम्।
महोदरे विलासिनीं भजामि विन्ध्यवासिनीम्॥७॥
पुरन्दरादिसेवितां मुरादिवंशखण्डनीम्।
विशुद्धबुद्धिकारिणीं भजामि विन्ध्यवासिनीम्॥८॥
niśumbhaśumbhamardinīṃ pracaṇḍamuṇḍakhaṇḍanīm |
vane raṇe prakāśinīṃ bhajāmi vindhyavāsinīm || 1 ||
triśūlamuṇḍadhāriṇīṃ dharāvighātahāriṇīm |
gṛhe gṛhe nivāsinīṃ bhajāmi vindhyavāsinīm || 2 ||
daridraduḥkhahāriṇīṃ satāṃ vibhūtikāriṇīm |
viyogaśokahāriṇīṃ bhajāmi vindhyavāsinīm || 3 ||
lasatsulolalocanāṃ jane sadā varapradām |
kapālaśūladhāriṇīṃ bhajāmi vindhyavāsinīm || 4 ||
kare mudā gadādharīṃ śivā śivapradāyinīm |
varāṃ varānanāṃ śubhāṃ bhajāmi vindhyavāsinīm || 5 ||
ṛṣīndrajāminīpradāṃ tridhāsvarūpadhāriṇīm |
jale sthale nivāsinīṃ bhajāmi vindhyavāsinīm || 6 ||
viśiṣṭasṛṣṭikāriṇīṃ viśālarūpadhāriṇīm |
mahodare vilāsinīṃ bhajāmi vindhyavāsinīm || 7 ||
purandarādisevitāṃ murādivaṃśakhaṇḍanīm |
viśuddhabuddhikāriṇīṃ bhajāmi vindhyavāsinīm || 8 ||