ॐ अस्य श्रीकुंजिकास्तोत्रमंत्रस्य सदाशिव ऋषिः, अनुष्टुप् छंदः, श्रीत्रिगुणात्मिका देवता, ॐ ऐं बीजं, ॐ ह्रीं शक्तिः, ॐ क्लीं कीलकम्, मम सर्वाभीष्टसिद्ध्यर्थे जपे विनियोगः।

शिव उवाच

शृणु देवि प्रवक्ष्यामि कुंजिकास्तोत्रमुत्तमम्।

येन मंत्रप्रभावेण चंडीजापः शुभो भवेत्॥ १ ॥

न कवचं नार्गलास्तोत्रं कीलकं न रहस्यकम्।

न सूक्तं नापि ध्यानं च न न्यासो न च वार्चनम्॥ २ ॥

कुंजिकापाठमात्रेण दुर्गापाठफलं लभेत्।

अति गुह्यतरं देवि देवानामपि दुर्लभम्॥ ३ ॥

गोपनीयं प्रयत्नेन स्वयोनिरिव पार्वति।

मारणं मोहनं वश्यं स्तंभनोच्चाटनादिकम्।

पाठमात्रेण संसिद्ध्येत् कुंजिकास्तोत्रमुत्तमम्॥ ४ ॥

ॐ ऐं ह्रीं क्लीं चामुंडायै विच्चे।

ॐ ग्लौं हुं क्लीं जूं सः ज्वालय ज्वालय ज्वल ज्वल प्रज्वल प्रज्वल ऐं ह्रीं क्लीं चामुंडायै विच्चे ज्वल हं सं लं क्षं फट् स्वाहा॥ ५ ॥

इति मंत्रः।

नमस्ते रुद्ररूपिण्यै नमस्ते मधुमर्दिनि।

नमः कैटभहारिण्यै नमस्ते महिषार्दिनि॥ ६ ॥

नमस्ते शुंभहंत्र्यै च निशुंभासुरघातिनि।

जाग्रतं हि महादेवि जपं सिद्धं कुरुष्व मे॥ ७ ॥

ऐंकारी सृष्टिरूपायै ह्रींकारी प्रतिपालिका।

क्लींकारी कामरूपिण्यै बीजरूपे नमोऽस्तु ते॥ ८ ॥

चामुंडा चंडघाती च यैकारी वरदायिनी।

विच्चे चाभयदा नित्यं नमस्ते मंत्ररूपिणि॥ ९ ॥

धां धीं धूं धूर्जटेः पत्नी वां वीं वूं वागधीश्वरी।

क्रां क्रीं क्रूं कालिका देवि शां शीं शूं मे शुभं कुरु॥ १० ॥

हुं हुं हुंकाररूपिण्यै जं जं जं जंभनादिनी।

भ्रां भ्रीं भ्रूं भैरवी भद्रे भवान्यै ते नमो नमः॥ ११ ॥

अं कं चं टं तं पं यं शं वीं दुं ऐं वीं हं क्षम्।

धिजाग्रं धिजाग्रं त्रोटय त्रोटय दीप्तं कुरु कुरु स्वाहा॥ १२ ॥

पां पीं पूं पार्वती पूर्णा खां खीं खूं खेचरी तथा।

सां सीं सूं सप्तशती देव्या मंत्रसिद्धिं कुरुष्व मे॥ १३ ॥

कुंजिकायै नमो नमः।

इदं तु कुंजिकास्तोत्रं मंत्रजागर्तिहेतवे।

अभक्ते नैव दातव्यं गोपितं रक्ष पार्वति॥ १४ ॥

यस्तु कुंजिकया देवि हीनां सप्तशतीं पठेत्।

न तस्य जायते सिद्धिररण्ये रोदनं यथा॥ १५ ॥

इति श्रीरुद्रयामले गौरीतंत्रे शिवपार्वतीसंवादे कुंजिकास्तोत्रं संपूर्णम्।

oṃ asya śrīkuṃjikāstotramaṃtrasya sadāśiva ṛṣiḥ, anuṣṭup chaṃdaḥ, śrītriguṇātmikā devatā, oṃ aiṃ bījaṃ, oṃ hrīṃ śaktiḥ, oṃ klīṃ kīlakam, mama sarvābhīṣṭasiddhyarthe jape viniyogaḥ|

śiva uvāca

śṛṇu devi pravakṣyāmi kuṃjikāstotramuttamam|

yena maṃtraprabhāveṇa caṃḍījāpaḥ śubho bhavet|| 1 ||

na kavacaṃ nārgalāstotraṃ kīlakaṃ na rahasyakam|

na sūktaṃ nāpi dhyānaṃ ca na nyāso na ca vārcanam|| 2 ||

kuṃjikāpāṭhamātreṇa durgāpāṭhaphalaṃ labhet|

ati guhyataraṃ devi devānāmapi durlabham|| 3 ||

gopanīyaṃ prayatnena svayoniriva pārvati|

māraṇaṃ mohanaṃ vaśyaṃ staṃbhanoccāṭanādikam|

pāṭhamātreṇa saṃsiddhyet kuṃjikāstotramuttamam|| 4 ||

atha maṃtraḥ|

oṃ aiṃ hrīṃ klīṃ cāmuṃḍāyai vicce|

oṃ glauṃ huṃ klīṃ jūṃ saḥ jvālaya jvālaya jvala jvala prajvala prajvala aiṃ hrīṃ klīṃ cāmuṃḍāyai vicce jvala haṃ saṃ laṃ kṣaṃ phaṭ svāhā|| 5 ||

iti maṃtraḥ|

namaste rudrarūpiṇyai namaste madhumardini|

namaḥ kaiṭabhahāriṇyai namaste mahiṣārdini|| 6 ||

namaste śuṃbhahaṃtryai ca niśuṃbhāsuraghātini|

jāgrataṃ hi mahādevi japaṃ siddhaṃ kuruṣva me|| 7 ||

aiṃkārī sṛṣṭirūpāyai hrīṃkārī pratipālikā|

klīṃkārī kāmarūpiṇyai bījarūpe namo'stu te|| 8 ||

cāmuṃḍā caṃḍaghātī ca yaikārī varadāyinī|

vicce cābhayadā nityaṃ namaste maṃtrarūpiṇi|| 9 ||

dhāṃ dhīṃ dhūṃ dhūrjaṭeḥ patnī vāṃ vīṃ vūṃ vāgadhīśvarī|

krāṃ krīṃ krūṃ kālikā devi śāṃ śīṃ śūṃ me śubhaṃ kuru|| 10 ||

huṃ huṃ huṃkārarūpiṇyai jaṃ jaṃ jaṃ jaṃbhanādinī|

bhrāṃ bhrīṃ bhrūṃ bhairavī bhadre bhavānyai te namo namaḥ|| 11 ||

aṃ kaṃ caṃ ṭaṃ taṃ paṃ yaṃ śaṃ vīṃ duṃ aiṃ vīṃ haṃ kṣam|

dhijāgraṃ dhijāgraṃ troṭaya troṭaya dīptaṃ kuru kuru svāhā|| 12 ||

pāṃ pīṃ pūṃ pārvatī pūrṇā khāṃ khīṃ khūṃ khecarī tathā|

sāṃ sīṃ sūṃ saptaśatī devyā maṃtrasiddhiṃ kuruṣva me|| 13 ||

kuṃjikāyai namo namaḥ|

idaṃ tu kuṃjikāstotraṃ maṃtrajāgartihetave|

abhakte naiva dātavyaṃ gopitaṃ rakṣa pārvati|| 14 ||

yastu kuṃjikayā devi hīnāṃ saptaśatīṃ paṭhet|

na tasya jāyate siddhiraraṇye rodanaṃ yathā|| 15 ||

iti śrīrudrayāmale gaurītaṃtre śivapārvatīsaṃvāde kuṃjikāstotraṃ saṃpūrṇam|