Sounds Of Isha - Shiva Shadakshara Stotram | Omkaram Bindu Samyukhtam| Trigun | Shiva Mantra
Shiva stotram in Sanskrit. Sung during Maha Shivaratri.
शिव षडक्षर स्तोत्रम् (ओङ्कारं बिन्दुसंयुक्तं)
Shiva Shadakshara Stotram (Omkaram Bindu Samyuktam)
ओङ्कारं बिन्दुसंयुक्तं नित्यं ध्यायन्ति योगिनः।
कामदं मोक्षदं चैव ओङ्काराय नमो नमः॥१॥
नमन्ति ऋषयो देवा नमन्त्यप्सरसां गणाः।
नरा नमन्ति देवेशं नकाराय नमो नमः॥२॥
महादेवं महात्मानं महाध्यानपरायणम्।
महापापहरं देवं मकाराय नमो नमः॥३॥
शिवं शान्तं जगन्नाथं लोकानुग्रहकारकम्।
शिवमेकपदं नित्यं शिकाराय नमो नमः॥४॥
वाहनं वृषभो यस्य वासुकिः कण्ठभूषणम्।
वामे शक्तिधरं देवं वकाराय नमो नमः॥५॥
यत्र यत्र स्थितो देवः सर्वव्यापी महेश्वरः।
यो गुरुः सर्वदेवानां यकाराय नमो नमः॥६॥
षडक्षरमिदं स्तोत्रं यः पठेच्छिवसन्निधौ।
शिवलोकमवाप्नोति शिवेन सह मोदते॥७॥
oṅkāraṃ bindusaṃyuktaṃ nityaṃ dhyāyanti yoginaḥ |
kāmadaṃ mokṣadaṃ caiva oṅkārāya namo namaḥ || 1 ||
namanti ṛṣayo devā namantyapsarasāṃ gaṇāḥ |
narā namanti deveśaṃ nakārāya namo namaḥ || 2 ||
mahādevaṃ mahātmānaṃ mahādhyānaparāyaṇam |
mahāpāpaharaṃ devaṃ makārāya namo namaḥ || 3 ||
śivaṃ śāntaṃ jagannāthaṃ lokānugrahakārakam |
śivamekapadaṃ nityaṃ śikārāya namo namaḥ || 4 ||
vāhanaṃ vṛṣabho yasya vāsukiḥ kaṇṭhabhūṣaṇam |
vāme śaktidharaṃ devaṃ vakārāya namo namaḥ || 5 ||
yatra yatra sthito devaḥ sarvavyāpī maheśvaraḥ |
yo guruḥ sarvadevānāṃ yakārāya namo namaḥ || 6 ||
ṣaḍakṣaramidaṃ stotraṃ yaḥ paṭhecchivasannidhau |
śivalokamavāpnoti śivena saha modate || 7 ||