दोहा

जय गणेश गिरिजासुवन मंगल मूल सुजान ।

कहत अयोध्यादास तुम देउ अभय वरदान ॥

चौपाई

जय गिरिजापति दीनदयाला । सदा करत सन्तन प्रतिपाला ॥

भाल चन्द्रमा सोहत नीके । कानन कुण्डल नाग फनी के ॥

अंग गौर शिर गंग बहाये । मुण्डमाल तन क्षार लगाये ॥

वस्त्र खाल बाघम्बर सोहे । छवि को देखि नाग मन मोहे ॥

मैना मातु कि हवे दुलारी । वाम अंग सोहत छवि न्यारी ॥

कर त्रिशूल सोहत छवि भारी । करत सदा शत्रुन क्षयकारी ॥

नंदी गणेश सोहैं तहं कैसे । सागर मध्य कमल हैं जैसे ॥

कार्तिक श्याम और गणराऊ । या छवि कौ कहि जात न काऊ ॥

देवन जबहीं जाय पुकारा । तबहिं दुख प्रभु आप निवारा ॥

किया उपद्रव तारक भारी । देवन सब मिलि तुमहिं जुहारी ॥

तुरत षडानन आप पठायौ । लव निमेष महं मारि गिरायौ ॥

आप जलंधर असुर संहारा । सुयश तुम्हार विदित संसारा ॥

त्रिपुरासुर सन युद्ध मचाई । तबहिं कृपा कर लीन बचाई ॥

किया तपहिं भागीरथ भारी । पुरब प्रतिज्ञा तासु पुरारी ॥

दानिन महं तुम सम कोउ नाहीं । सेवक स्तुति करत सदाहीं ॥

वेद माहि महिमा तुम गाई । अकथ अनादि भेद नहीं पाई ॥

प्रकटे उदधि मंथन में ज्वाला । जरत सुरासुर भए विहाला ॥

कीन्ह दया तहं करी सहाई । नीलकंठ तब नाम कहाई ॥

पूजन रामचंद्र जब कीन्हां । जीत के लंक विभीषण दीन्हा ॥

सहस कमल में हो रहे धारी । कीन्ह परीक्षा तबहिं त्रिपुरारी ॥

एक कमल प्रभु राखेउ जोई । कमल नयन पूजन चहं सोई ॥

कठिन भक्ति देखी प्रभु शंकर । भये प्रसन्न दिए इच्छित वर ॥

जय जय जय अनंत अविनाशी । करत कृपा सबके घट वासी ॥

दुष्ट सकल नित मोहि सतावैं । भ्रमत रहौं मोहे चैन न आवैं ॥

त्राहि त्राहि मैं नाथ पुकारो । यह अवसर मोहि आन उबारो ॥

ले त्रिशूल शत्रुन को मारो । संकट से मोहिं आन उबारो ॥

मात पिता भ्राता सब कोई । संकट में पूछत नहिं कोई ॥

स्वामी एक है आस तुम्हारी । आय हरहु मम संकट भारी ॥

धन निर्धन को देत सदा ही । जो कोई जांचे सो फल पाहीं ॥

अस्तुति केहि विधि करों तुम्हारी । क्षमहु नाथ अब चूक हमारी ॥

शंकर हो संकट के नाशन । मंगल कारण विघ्न विनाशन ॥

योगी यति मुनि ध्यान लगावैं । शारद नारद शीश नवावैं ॥

नमो नमो जय नमः शिवाय । सुर ब्रह्मादिक पार न पाय ॥

जो यह पाठ करे मन लाई । ता पर होत हैं शम्भु सहाई ॥

रनियां जो कोई हो अधिकारी । पाठ करे सो पावन हारी ॥

पुत्र होन की इच्छा जोई । निश्चय शिव प्रसाद तेहि होई ॥

पण्डित त्रयोदशी को लावे । ध्यान पूर्वक होम करावे ॥

त्रयोदशी व्रत करै हमेशा । तन नहिं ताके रहै कलेशा ॥

धूप दीप नैवेद्य चढ़ावे । शंकर सम्मुख पाठ सुनावे ॥

जन्म जन्म के पाप नसावे । अन्त धाम शिवपुर में पावे ॥

कहैं अयोध्यादास आस तुम्हारी । जानि सकल दुख हरहु हमारी ॥

दोहा

नित नेम उठि प्रातःही पाठ करो चालीस ।

तुम मेरी मनकामना पूर्ण करो जगदीश ॥

Doha

Jaya Gaṇeśa Girijā-suvana maṅgala mūla sujāna |

Kahata Ayodhyādāsa tuma deu abhaya varadāna ||

Chaupai

Jaya Girijāpati dīnadayālā | sadā karata santana pratipālā ||

Bhāla candramā sohata nīke | kānana kuṇḍala nāga phanī ke ||

Aṅga gaura śira Gaṅga bahāye | muṇḍamāla tana kṣāra lagāye ||

Vastra khāla bāghambara sohe | chavi ko dekhi nāga mana mohe ||

Mainā mātu ki have dulārī | vāma aṅga sohata chavi nyārī ||

Kara triśūla sohata chavi bhārī | karata sadā śatruna kṣayakārī ||

Nandī Gaṇeśa sohaiṃ tahaṃ kaise | sāgara madhya kamala haiṃ jaise ||

Kārtika Śyāma aura Gaṇarāū | yā chavi kau kahi jāta na kāū ||

Devana jabahīṃ jāya pukārā | tabahiṃ dukha prabhu āpa nivārā ||

Kiyā upadrava Tāraka bhārī | devana saba mili tumahiṃ juhārī ||

Turata Ṣaḍānana āpa paṭhāyau | lava nimeṣa mahaṃ māri girāyau ||

Āpa Jalandhara asura saṃhārā | suyaśa tumhāra vidita saṃsārā ||

Tripurāsura sana yuddha macāī | tabahiṃ kṛpā kara līna bacāī ||

Kiyā tapahiṃ Bhāgīratha bhārī | puraba pratijñā tāsu Purārī ||

Dānina mahaṃ tuma sama kou nāhīṃ | sevaka stuti karata sadāhīṃ ||

Veda māhi mahimā tuma gāī | akatha anādi bheda nahīṃ pāī ||

Prakaṭe udadhi manthana meṃ jvālā | jarata surāsura bhae vihālā ||

Kīnha dayā tahaṃ karī sahāī | Nīlakaṇṭha taba nāma kahāī ||

Pūjana Rāmacandra jaba kīnhāṃ | jīta ke Laṅka Vibhīṣaṇa dīnhā ||

Sahasa kamala meṃ ho rahe dhārī | kīnha parīkṣā tabahiṃ Tripurārī ||

Eka kamala prabhu rākheu joī | kamala nayana pūjana cahaṃ soī ||

Kaṭhina bhakti dekhī prabhu Śaṅkara | bhaye prasanna die icchita vara ||

Jaya jaya jaya ananta avināśī | karata kṛpā sabake ghaṭa vāsī ||

Duṣṭa sakala nita mohi satāvaiṃ | bhramata rahauṃ mohe caina na āvaiṃ ||

Trāhi trāhi maiṃ nātha pukāro | yaha avasara mohi āna ubāro ||

Le triśūla śatruna ko māro | saṅkaṭa se mohiṃ āna ubāro ||

Māta pitā bhrātā saba koī | saṅkaṭa meṃ pūchata nahiṃ koī ||

Svāmī eka hai āsa tumhārī | āya harahu mama saṅkaṭa bhārī ||

Dhana nirdhana ko deta sadā hī | jo koī jāṃce so phala pāhīṃ ||

Astuti kehi vidhi karoṃ tumhārī | kṣamahu nātha aba cūka hamārī ||

Śaṅkara ho saṅkaṭa ke nāśana | maṅgala kāraṇa vighna vināśana ||

Yogī yati muni dhyāna lagāvaiṃ | Śārada Nārada śīśa navāvaiṃ ||

Namo namo jaya namaḥ Śivāya | sura Brahmādika pāra na pāya ||

Jo yaha pāṭha kare mana lāī | tā para hota haiṃ Śambhu sahāī ||

Raniyāṃ jo koī ho adhikārī | pāṭha kare so pāvana hārī ||

Putra hona kī icchā joī | niścaya Śiva prasāda tehi hoī ||

Paṇḍita trayodaśī ko lāve | dhyāna pūrvaka homa karāve ||

Trayodaśī vrata karai hameśā | tana nahiṃ tāke rahai kaleśā ||

Dhūpa dīpa naivedya caṛhāve | Śaṅkara sammukha pāṭha sunāve ||

Janma janma ke pāpa nasāve | anta dhāma Śivapura meṃ pāve ||

Kahaiṃ Ayodhyādāsa āsa tumhārī | jāni sakala dukha harahu hamārī ||

Doha

Nita nema uṭhi prātaḥhī pāṭha karo cālīsa |

Tuma merī manakāmanā pūrṇa karo Jagadīśa ||