दोहा

जय गणेश गिरिजा सुवन मंगल करण कृपाल ।

दीनन के दुख दूर करि कीजै नाथ निहाल ॥

जय जय श्री शनिदेव प्रभु सुनहु विनय महाराज ।

करहु कृपा हे रवि तनय राखहु जनकी लाज ॥

चौपाई

जयति जयति शनिदेव दयाला । करत सदा भक्तन प्रतिपाला ॥

चारि भुजा तनु श्याम विराजै । माथे रतन मुकुट छबि छाजै ॥

परम विशाल मनोहर भाला । टेढ़ी दृष्टि भृकुटि विकराला ॥

कुण्डल श्रवण चमाचम चमके । हिये माल मुक्तन मणि दमकै ॥

कर में गदा त्रिशूल कुठारा । पल बिच करैं अरिहिं संहारा ॥

पिंगल कृष्णो छाया नन्दन । यम कोणस्थ रौद्र दुख भंजन ॥

सौरी मन्द शनी दश नामा । भानु पुत्र पूजहिं सब कामा ॥

जापर प्रभु प्रसन्न हवैं जाहीं । रंकहुँ राव करैं क्षण माहीं ॥

पर्वतहू तृण होइ निहारत । तृणहू को पर्वत करि डारत ॥

राज मिलत बन रामहिं दीन्हयो । कैकेइहुँ की मति हरि लीन्हयो ॥

बनहूँ में मृग कपट दिखाई । मातु जानकी गई चुराई ॥

लषनहिं शक्ति विकल करिडारा । मचिगा दल में हाहाकारा ॥

रावण की गति-मति बौराई । रामचन्द्र सों बैर बढ़ाई ॥

दियो कीट करि कंचन लंका । बजि बजरंग बीर की डंका ॥

नृप विक्रम पर तुहिं पगु धारा । चित्र मयूर निगलि गै हारा ॥

हार नौंलखा लाग्यो चोरी । हाथ पैर डरवायो तोरी ॥

भारी दशा निकृष्ट दिखायो । तेलहिं घर कोल्हू चलवायो ॥

विनय राग दीपक महँ कीन्हयों । तब प्रसन्न प्रभु ह्वै सुख दीन्हयों ॥

हरिश्चंद्र नृप नारि बिकानी । आपहुं भरें डोम घर पानी ॥

तैसे नल पर दशा सिरानी । भूंजी-मीन कूद गई पानी ॥

श्री शंकरहिं गह्यो जब जाई । पारवती को सती कराई ॥

तनिक वोलोकत ही करि रीसा । नभ उड़ि गयो गौरिसुत सीसा ॥

पाण्डव पर भै दशा तुम्हारी । बची द्रौपदी होति उघारी ॥

कौरव के भी गति मति मारयो । युद्ध महाभारत करि डारयो ॥

रवि कहँ मुख महँ धरि तत्काला । लेकर कूदि परयो पाताला ॥

शेष देव-लखि विनति लाई । रवि को मुख ते दियो छुड़ाई ॥

वाहन प्रभु के सात सुजाना । जग दिग्गज गर्दभ मृग स्वाना ॥

जम्बुक सिंह आदि नख धारी । सो फल ज्योतिष कहत पुकारी ॥

गज वाहन लक्ष्मी गृह आवैं । हय ते सुख सम्पत्ति उपजावैं ॥

गर्दभ हानि करै बहु काजा । सिंह सिद्धकर राज समाजा ॥

जम्बुक बुद्धि नष्ट कर डारै । मृग दे कष्ट प्राण संहारै ॥

जब आवहिं प्रभु स्वान सवारी । चोरी आदि होय डर भारी ॥

तैसहि चारी चरण यह नामा । स्वर्ण लौह चाँदि अरु तामा ॥

लौह चरण पर जब प्रभु आवैं । धन जन सम्पत्ति नष्ट करावैं ॥

समता ताम्र रजत शुभकारी । स्वर्ण सर्व सुख मंगल भारी ॥

जो यह शनि चरित्र नित गावै । कबहुं न दशा निकृष्ट सतावै ॥

अद्भूत नाथ दिखावैं लीला । करैं शत्रु के नशिब बलि ढीला ॥

जो पण्डित सुयोग्य बुलवाई । विधिवत शनि ग्रह शांति कराई ॥

पीपल जल शनि दिवस चढ़ावत । दीप दान दै बहु सुख पावत ॥

कहत राम सुन्दर प्रभु दासा । शनि सुमिरत सुख होत प्रकाशा ॥

दोहा

पाठ शनीश्चर देव को कीन्हों विमल तय्यार ।

करत पाठ चालीस दिन हो भवसागर पार ॥

Doha

Jaya Gaṇeśa Girijā suvana maṅgala karaṇa kṛpāla |

Dīnana ke dukha dūra kari kījai nātha nihāla ||

Jaya jaya Śrī Śanideva prabhu sunahu vinaya mahārāja |

Karahu kṛpā he Ravi tanaya rākhahu janakī lāja ||

Chaupai

Jayati jayati Śanideva dayālā | karata sadā bhaktana pratipālā ||

Cāri bhujā tanu śyāma virājai | māthe ratana mukuṭa chabi chājai ||

Parama viśāla manohara bhālā | ṭeṛhī dṛṣṭi bhṛkuṭi vikarālā ||

Kuṇḍala śravaṇa camācama camake | hiye māla muktana maṇi damakai ||

Kara meṃ gadā triśūla kuṭhārā | pala bica karaiṃ arihiṃ saṃhārā ||

Piṅgala Kṛṣṇo Chāyā Nandana | Yama Koṇastha Raudra dukha bhañjana ||

Saurī Manda Śanī daśa nāmā | Bhānu putra pūjahiṃ saba kāmā ||

Jāpara prabhu prasanna havaiṃ jāhīṃ | raṅkahũ rāva karaiṃ kṣaṇa māhīṃ ||

Parvatahū tṛṇa hoi nihārata | tṛṇahū ko parvata kari ḍārata ||

Rāja milata bana Rāmahiṃ dīnhayo | Kaikeihũ kī mati hari līnhayo ||

Banahū̃ meṃ mṛga kapaṭa dikhāī | mātu Jānakī gaī curāī ||

Laṣanahiṃ śakti vikala kariḍārā | macigā dala meṃ hāhākārā ||

Rāvaṇa kī gati-mati baurāī | Rāmacandra soṃ baira baṛhāī ||

Diyo kīṭa kari kañcana Laṅkā | baji Bajaranga bīra kī ḍaṅkā ||

Nṛpa Vikrama para tuhiṃ pagu dhārā | citra mayūra nigali gai hārā ||

Hāra nauṃlakhā lāgyo corī | hātha paira ḍaravāyo torī ||

Bhārī daśā nikṛṣṭa dikhāyo | telahiṃ ghara kolhū calavāyo ||

Vinaya Rāga Dīpaka mahã kīnhayoṃ | taba prasanna prabhu hvai sukha dīnhayoṃ ||

Hariścandra nṛpa nāri bikānī | āpahuṃ bhareṃ ḍoma ghara pānī ||

Taise Nala para daśā sirānī | bhūṃjī-mīna kūda gaī pānī ||

Śrī Śaṅkarahiṃ gahyo jaba jāī | Pārvatī ko satī karāī ||

Tanika volokata hī kari rīsā | nabha uṛi gayo Gaurisuta sīsā ||

Pāṇḍava para bhai daśā tumhārī | bacī Draupadī hoti ughārī ||

Kaurava ke bhī gati mati mārayo | yuddha Mahābhārata kari ḍārayo ||

Ravi kahã mukha mahã dhari tatkālā | lekar kūdi parayo pātālā ||

Śeṣa deva-lakhi vinati lāī | Ravi ko mukha te diyo chuṛāī ||

Vāhana prabhu ke sāta sujānā | jaga diggaja gardabha mṛga svānā ||

Jambuka siṃha ādi nakha dhārī | so phala jyotiṣa kahata pukārī ||

Gaja vāhana Lakṣmī gṛha āvaiṃ | haya te sukha sampatti upajāvaiṃ ||

Gardabha hāni karai bahu kājā | siṃha siddhakara rāja samājā ||

Jambuka buddhi naṣṭa kara ḍārai | mṛga de kaṣṭa prāṇa saṃhārai ||

Jaba āvahiṃ prabhu svāna savārī | corī ādi hoya ḍara bhārī ||

Taisahi cārī caraṇa yaha nāmā | svarṇa lauha cā̃di aru tāmā ||

Lauha caraṇa para jaba prabhu āvaiṃ | dhana jana sampatti naṣṭa karāvaiṃ ||

Samatā tāmra rajata śubhakārī | svarṇa sarva sukha maṅgala bhārī ||

Jo yaha Śani caritra nita gāvai | kabahuṃ na daśā nikṛṣṭa satāvai ||

Adbhūta nātha dikhāvaiṃ līlā | karaiṃ śatru ke naśiba bali ḍhīlā ||

Jo paṇḍita suyogya bulavāī | vidhivat Śani graha śānti karāī ||

Pīpala jala Śani divasa caṛhāvata | dīpa dāna dai bahu sukha pāvata ||

Kahata Rāma Sundara prabhu dāsā | Śani sumirata sukha hota prakāśā ||

Doha

Pāṭha Śanīścara deva ko kīnhhoṃ vimala tayyāra |

Karata pāṭha cālīsa dina ho bhavasāgara pāra ||