ॐ यज्ञेन यज्ञमयजन्त देवास्तानि धर्माणि प्रथमान्यासन् ।

ते ह नाकं महिमानः सचन्त यत्र पूर्वे साध्याः सन्ति देवाः ॥

ॐ राजाधिराजाय प्रसह्यसाहिने । नमो वयं वैश्रवणाय कुर्महे ।

स मे कामान् कामकामाय मह्यम् । कामेश्वरो वैश्रवणो ददातु ।

कुबेराय वैश्रवणाय । महाराजाय नमः ॥

ॐ स्वस्ति । साम्राज्यं भौज्यं स्वाराज्यं वैराज्यं पारमेष्ठ्यं राज्यं

माहाराज्यमाधिपत्यमयं समन्तपर्यायी स्यात् सार्वभौमः सार्वायुष

आन्तादापरार्धात् । पृथिव्यै समुद्रपर्यन्ताया एकराळिति ।

तदप्येष श्लोकोऽभिगीतो मरुतः परिवेष्टारो मरुत्तस्यावसन् गृहे ।

आविक्षितस्य कामप्रेर्विश्वेदेवाः सभासद इति ॥

ॐ एकदन्ताय विद्महे वक्रतुण्डाय धीमहि ।

तन्नो दन्ती प्रचोदयात् ॥

॥ मंत्रपुष्पांजली समर्पयामि ॥

oṃ yajñena yajñamayajanta devāstāni dharmāṇi prathamānyāsan |

te ha nākaṃ mahimānaḥ sacanta yatra pūrve sādhyāḥ santi devāḥ ||

oṃ rājādhirājāya prasahyasāhine | namo vayaṃ vaiśravaṇāya kurmahe |

sa me kāmān kāmakāmāya mahyam | kāmeśvaro vaiśravaṇo dadātu |

kuberāya vaiśravaṇāya | mahārājāya namaḥ ||

oṃ svasti | sāmrājyaṃ bhaujyaṃ svārājyaṃ vairājyaṃ pārameṣṭhyaṃ rājyaṃ

māhārājyamādhipatyamayaṃ samantaparyāyī syāt sārvabhaumaḥ sārvāyuṣa

āntādāparārdhāt | pṛthivyai samudraparyantāyā ekarāḷiti |

tadapyeṣa śloko'bhigīto marutaḥ pariveṣṭāro maruttasyāvasan gṛhe |

āvikṣitasya kāmaprerviśvedevāḥ sabhāsada iti ||

oṃ ekadantāya vidmahe vakratuṇḍāya dhīmahi |

tanno dantī pracodayāt ||

|| mantrapuṣpāñjalī samarpayāmi ||