Jasoda
Krishna bhajan in Hindi. Sung during Janmashtami.
जसोदा हरि पालनैं झुलावै
Jasoda Hari Palne Jhulave
जसोदा हरि पालनैं झुलावै।
हलरावै, दुलराइ मल्हावै, जोइ-जोइ कछु गावै॥१॥
मेरे लाल कौं आउ निंदरिया, काहैं न आनि सुवावै।
तू काहैं नहिं बेगहिं आवै, तोकौं कान्ह बुलावै॥२॥
कबहुँ पलक हरि मूँदि लेत हैं, कबहुँ अधर फरकावै।
सोवत जानि मौन ह्वै कै रहि, करि-करि सैन बतावै॥३॥
इहिं अंतर अकुलाइ उठे हरि, जसुमति मधुरैं गावै।
जो सुख सूर अमर-मुनि दुरलभ, सो नँद-भामिनि पावै॥४॥
Jasodaa Hari paalanain jhulaavai,
Halaraavai, dularaai malhaavai, joi-joi kachhu gaavai. (1)
Mere laal kaun aau nindariyaa, kaahain na aani suvaavai,
Too kaahain nahin begahin aavai, tokaun Kaanh bulaavai. (2)
Kabahun palak Hari moondi let hain, kabahun adhar pharakaavai,
Sovat jaani maun hvai kai rahi, kari-kari sain bataavai. (3)
Ihin antar akulaai uthe Hari, Jasumati madhurain gaavai,
Jo sukh Soor amar-muni duralabh, so Nand-bhaamini paavai. (4)