दोहा

जय गणपति सद्गुणसदन कविवर बदन कृपाल ।

विघ्न हरण मंगल करण जय जय गिरिजालाल ॥

चौपाई

जय जय जय गणपति राजू । मंगल भरण करण शुभ काजू ॥

जय गजबदन सदन सुखदाता । विश्व विनायक बुद्धि विधाता ॥

वक्र तुण्ड शुचि शुण्ड सुहावन । तिलक त्रिपुण्ड भाल मन भावन ॥

राजित मणि मुक्तन उर माला । स्वर्ण मुकुट शिर नयन विशाला ॥

पुस्तक पाणि कुठार त्रिशूलं । मोदक भोग सुगन्धित फूलं ॥

सुन्दर पीताम्बर तन साजित । चरण पादुका मुनि मन राजित ॥

धनि शिवसुवन षडानन भ्राता । गौरी ललन विश्व-विधाता ॥

ऋद्धि सिद्धि तव चँवर सुधारे । मूषक वाहन सोहत द्वारे ॥

कहौं जन्म शुभ कथा तुम्हारी । अति शुचि पावन मंगल कारी ॥

एक समय गिरिराज कुमारी । पुत्र हेतु तप कीन्हा भारी ॥

भयो यज्ञ जब पूर्ण अनूपा । तब पहुँच्यो तुम धरि द्विज रूपा ॥

अतिथि जानि कै गौरी सुखारी । बहु विधि सेवा करी तुम्हारी ॥

अति प्रसन्न ह्वै तुम वर दीन्हा । मातु पुत्र हित जो तप कीन्हा ॥

मिलहि पुत्र तुहि बुद्धि विशाला । बिना गर्भ धारण यहि काला ॥

गणनायक गुण ज्ञान निधाना । पूजित प्रथम रूप भगवाना ॥

अस कहि अन्तर्ध्यान रूप ह्वै । पलना पर बालक स्वरूप ह्वै ॥

बनि शिशु रुदन जबहि तुम ठाना । लखि मुख सुख नहिं गौरि समाना ॥

सकल मगन सुख मंगल गावहिं । नभ ते सुरन सुमन वर्षावहिं ॥

शम्भु उमा बहुदान लुटावहिं । सुर मुनि जन सुत देखन आवहिं ॥

लखि अति आनन्द मंगल साजा । देखन भी आये शनि राजा ॥

निज अवगुण गुनि शनि मन माहीं । बालक देखन चाहत नाहीं ॥

गिरजा कछु मन भेद बढ़ायो । उत्सव मोर न शनि तुहि भायो ॥

कहन लगे शनि मन सकुचाई । का करिहौ शिशु मोहि दिखाई ॥

नहिं विश्वास उमा कर भयऊ । शनि सों बालक देखन कह्यऊ ॥

पड़तहिं शनि दृग कोण प्रकाशा । बालक शिर उड़ि गयो आकाशा ॥

गिरजा गिरीं विकल ह्वै धरणी । सो दुख दशा गयो नहिं वरणी ॥

हाहाकार मच्यो कैलाशा । शनि कीन्ह्यों लखि सुत को नाशा ॥

तुरत गरुड़ चढ़ि विष्णु सिधाये । काटि चक्र सो गज शिर लाये ॥

बालक के धड़ ऊपर धारयो । प्राण मंत्र पढ़ शंकर डारयो ॥

नाम गणेश शम्भु तब कीन्हे । प्रथम पूज्य बुद्धि निधि वर दीन्हे ॥

बुद्धि परीक्शा जब शिव कीन्हा । पृथ्वी की प्रदक्शिणा लीन्हा ॥

चले षडानन भरमि भुलाई । रची बैठ तुम बुद्धि उपाई ॥

चरण मातु-पितु के धर लीन्हें । तिनके सात प्रदक्शिण कीन्हें ॥

धनि गणेश कहि शिव हिय हरषे । नभ ते सुरन सुमन बहु बरसे ॥

तुम्हरी महिमा बुद्धि बड़ाई । शेष सहस मुख सकै न गाई ॥

मैं मति हीन मलीन दुखारी । करहुँ कौन बिधि विनय तुम्हारी ॥

भजत रामसुन्दर प्रभुदासा । लख प्रयाग ककरा दुर्वासा ॥

अब प्रभु दया दीन पर कीजै । अपनी शक्ति भक्ति कुछ दीजै ॥

दोहा

श्री गणेश यह चालीसा पाठ करें धर ध्यान ।

नित नव मंगल गृह बसै लहे जगत सन्मान ॥

Doha

Jaya Gaṇapati sadguṇasadana kavivara badana kṛpāla |

Vighna haraṇa maṅgala karaṇa jaya jaya Girijālāla ||

Chaupai

Jaya jaya jaya Gaṇapati rājū | maṅgala bharaṇa karaṇa śubha kājū ||

Jaya gajabadana sadana sukhadātā | viśva Vināyaka buddhi vidhātā ||

Vakra tuṇḍa śuci śuṇḍa suhāvana | tilaka tripuṇḍa bhāla mana bhāvana ||

Rājita maṇi muktana ura mālā | svarṇa mukuṭa śira nayana viśālā ||

Pustaka pāṇi kuṭhāra triśūlaṃ | modaka bhoga sugandhita phūlaṃ ||

Sundara pītāmbaro tana sājita | caraṇa pādukā muni mana rājita ||

Dhani Śivasuvana Ṣaḍānana bhrātā | Gaurī lalana viśva-vidhātā ||

Ṛddhi Siddhi tava caṃvara sudhāre | mūṣaka vāhana sohata dvāre ||

Kahauṃ janma śubha kathā tumhārī | ati śuci pāvana maṅgala kārī ||

Eka samaya Girirāja kumārī | putra hetu tapa kīnhā bhārī ||

Bhayo yajña jaba pūrṇa anūpā | taba pahuṃcyo tuma dhari dvija rūpā ||

Atithi jāni kai Gaurī sukhārī | bahu vidhi sevā karī tumhārī ||

Ati prasanna hvai tuma vara dīnhā | mātu putra hita jo tapa kīnhā ||

Milahi putra tuhi buddhi viśālā | binā garbha dhāraṇa yahi kālā ||

Gaṇanāyaka guṇa jñāna nidhānā | pūjita prathama rūpa bhagavānā ||

Asa kahi antardhyāna rūpa hvai | palanā para bālaka svarūpa hvai ||

Bani śiśu rudana jabahi tuma ṭhānā | lakhi mukha sukha nahiṃ Gauri samānā ||

Sakala magana sukha maṅgala gāvahiṃ | nabha te surana sumana varṣāvahiṃ ||

Śambhu Umā bahudāna luṭāvahiṃ | sura muni jana suta dekhana āvahiṃ ||

Lakhi ati ānanda maṅgala sājā | dekhana bhī āye Śani rājā ||

Nija avaguṇa guni Śani mana māhīṃ | bālaka dekhana cāhata nāhīṃ ||

Girajā kachu mana bheda baṛhāyo | utsava mora na Śani tuhi bhāyo ||

Kahana lage Śani mana sakucāī | kā karihau śiśu mohi dikhāī ||

Nahiṃ viśvāsa Umā kara bhayaū | Śani soṃ bālaka dekhana kahyaū ||

Par̤atahiṃ Śani dṛga koṇa prakāśā | bālaka śira uṛi gayo ākāśā ||

Girajā girīṃ vikala hvai dharaṇī | so dukha daśā gayo nahiṃ varaṇī ||

Hāhākāra macyo Kailāśā | Śani kīnhyoṃ lakhi suta ko nāśā ||

Turata Garuṛa caṛhi Viṣṇu sidhāye | kāṭi cakra so gaja śira lāye ||

Bālaka ke dhaṛa ūpara dhārayo | prāṇa mantra paṛha Śaṅkara ḍārayo ||

Nāma Gaṇeśa Śambhu taba kīnhhe | prathama pūjya buddhi nidhi vara dīnhhe ||

Buddhi parīkṣā jaba Śiva kīnhā | pṛthvī kī pradakṣiṇā līnhā ||

Cale Ṣaḍānana bharami bhulāī | racī baiṭha tuma buddhi upāī ||

Caraṇa mātu-pitu ke dhara līnhheṃ | tinake sāta pradakṣiṇa kīnhheṃ ||

Dhani Gaṇeśa kahi Śiva hiya haraṣe | nabha te surana sumana bahu barase ||

Tumharī mahimā buddhi baṛāī | Śeṣa sahasa mukha sakai na gāī ||

Maiṃ mati hīna malīna dukhārī | karahũ kauna bidhi vinaya tumhārī ||

Bhajata Rāmasundara prabhudāsā | lakha Prayāga Kakarā Durvāsā ||

Aba prabhu dayā dīna para kījai | apanī śakti bhakti kuchu dījai ||

Doha

Śrī Gaṇeśa yaha cālīsā pāṭha kareṃ dhara dhyāna |

Nita nava maṅgala gṛha basai lahe jagata sanmāna ||