शिवताण्डव स्तोत्रम्
Shiv Tandav Stotram
आरती संग्रह
👁 9श्री चन्द्रशेखराष्टकम् (चन्द्रशेखर पाहि माम्)
Chandrashekharashtakam (Chandrashekhara Pahimam)
चन्द्रशेखर चन्द्रशेखर चन्द्रशेखर पाहि माम्।
चन्द्रशेखर चन्द्रशेखर चन्द्रशेखर रक्ष माम्॥१॥
रत्नसानुशरासनं रजताद्रिशृङ्गनिकेतनं
शिञ्जिनीकृतपन्नगेश्वरमच्युतानलसायकम्।
क्षिप्रदग्धपुरत्रयं त्रिदिवालयैरभिवन्दितं
चन्द्रशेखरमाश्रये मम किं करिष्यति वै यमः॥२॥
पञ्चपादपपुष्पगन्धपदाम्बुजद्वयशोभितं
फाललोचनजातपावकदग्धमन्मथविग्रहम्।
भस्मदिग्धकलेबरं भवनाशनं भवमव्ययं
चन्द्रशेखरमाश्रये मम किं करिष्यति वै यमः॥३॥
मत्तवारणमुख्यचर्मकृतोत्तरीयमनोहरं
पङ्कजासनपद्मलोचनपूजिताङ्घ्रिसरोरुहम्।
देवसिन्धुतरङ्गशीकरसिक्तशुभ्रजटाधरं
चन्द्रशेखरमाश्रये मम किं करिष्यति वै यमः॥४॥
यक्षराजसखं भगाक्षहरं भुजङ्गविभूषणं
शैलराजसुतापरिष्कृतचारुवामकलेबरम्।
क्ष्वेडनीलगलं परश्वथधारिणं मृगधारिणं
चन्द्रशेखरमाश्रये मम किं करिष्यति वै यमः॥५॥
कुण्डलीकृतकुण्डलेश्वरकुण्डलं वृषवाहनं
नारदादिमुनीश्वरस्तुतवैभवं भुवनेश्वरम्।
अन्धकान्तकमाश्रितामरपादपं शमनान्तकं
चन्द्रशेखरमाश्रये मम किं करिष्यति वै यमः॥६॥
भेषजं भवरोगिणामखिलापदामपहारिणं
दक्षयज्ञविनाशनं त्रिगुणात्मकं त्रिविलोचनम्।
भुक्तिमुक्तिफलप्रदं सकलाघसङ्घनिबर्हणं
चन्द्रशेखरमाश्रये मम किं करिष्यति वै यमः॥७॥
भक्तवत्सलमर्चितं निधिमक्षयं हरिदम्बरं
सर्वभूतपतिं परात्परमप्रमेयमनुत्तमम्।
सोमवारुणभूहुताशनसोमपानिखिलाकृतिं
चन्द्रशेखरमाश्रये मम किं करिष्यति वै यमः॥८॥
विश्वसृष्टिविधायिनं पुनरेव पालनतत्परं
संहरन्तमपि प्रपञ्चमशेषलोकनिवासिनम्।
क्रीडयन्तमहर्निशं गणनाथयूथसमन्वितं
चन्द्रशेखरमाश्रये मम किं करिष्यति वै यमः॥९॥
मृत्युभीतमृकण्डुसूनुकृतस्तवं शिवसन्निधौ
यत्र कुत्र च यः पठेन्न हि तस्य मृत्युभयं भवेत्।
पूर्णमायुररोगतामखिलार्थसम्पदमादरं
चन्द्रशेखर एव तस्य ददाति मुक्तिमयत्नतः॥१०॥
candraśekhara candraśekhara candraśekhara pāhi mām |
candraśekhara candraśekhara candraśekhara rakṣa mām || 1 ||
ratnasānuśarāsanaṃ rajatādriśṛṅganiketanaṃ
śiñjinīkṛtapannageśvaramacyutānalasāyakam |
kṣipradagdhapuratrayaṃ tridivālayairabhivanditaṃ
candraśekharamāśraye mama kiṃ kariṣyati vai yamaḥ || 2 ||
pañcapādapapuṣpagandhapadāmbujadvayaśobhitaṃ
phālalocanajātapāvakadagdhamanmathavigraham |
bhasmadigdhakalebaraṃ bhavanāśanaṃ bhavamavyayaṃ
candraśekharamāśraye mama kiṃ kariṣyati vai yamaḥ || 3 ||
mattavāraṇamukhyacarmakṛtottarīyamanoharaṃ
paṅkajāsanapadmalocanapūjitāṅghrisaroruham |
devasindhutaraṅgaśīkarasiktaśubhrajaṭādharaṃ
candraśekharamāśraye mama kiṃ kariṣyati vai yamaḥ || 4 ||
yakṣarājasakhaṃ bhagākṣaharaṃ bhujaṅgavibhūṣaṇaṃ
śailarājasutāpariṣkṛtacāruvāmakalebaram |
kṣveḍanīlagalaṃ paraśvathadhāriṇaṃ mṛgadhāriṇaṃ
candraśekharamāśraye mama kiṃ kariṣyati vai yamaḥ || 5 ||
kuṇḍalīkṛtakuṇḍaleśvarakuṇḍalaṃ vṛṣavāhanaṃ
nāradādimunīśvarastutavaibhavaṃ bhuvaneśvaram |
andhakāntakamāśritāmarapādapaṃ śamanāntakaṃ
candraśekharamāśraye mama kiṃ kariṣyati vai yamaḥ || 6 ||
bheṣajaṃ bhavarogiṇāmakhilāpadāmapahāriṇaṃ
dakṣayajñavināśanaṃ triguṇātmakaṃ trivilocanam |
bhuktimuktiphalapradaṃ sakalāghasaṅghanibarhaṇaṃ
candraśekharamāśraye mama kiṃ kariṣyati vai yamaḥ || 7 ||
bhaktavatsalamarcitaṃ nidhimakṣayaṃ haridambaraṃ
sarvabhūtapatiṃ parātparamaprameyamanuttamam |
somavāruṇabhūhutāśanasomapānikhilākṛtiṃ
candraśekharamāśraye mama kiṃ kariṣyati vai yamaḥ || 8 ||
viśvasṛṣṭividhāyinaṃ punareva pālanatatparaṃ
saṃharantamapi prapañcamaśeṣalokanivāsinam |
krīḍayantamaharniśaṃ gaṇanāthayūthasamanvitaṃ
candraśekharamāśraye mama kiṃ kariṣyati vai yamaḥ || 9 ||
mṛtyubhītamṛkaṇḍusūnukṛtastavaṃ śivasannidhau
yatra kutra ca yaḥ paṭhenna hi tasya mṛtyubhayaṃ bhavet |
pūrṇamāyurarogatāmakhilārthasampadamādaraṃ
candraśekhara eva tasya dadāti muktimayatnataḥ || 10 ||
Play below, then scroll up to follow the lyrics · 8:02

Source: Sage Markandeya (traditional)
Traditional / public-domain text published for cultural preservation.
Shiva stotram in Sanskrit. Sung during Maha Shivaratri.
Dharmasthan is a digital devotional platform for devotees, families, and community mandals. Reading is free and requires no account.
Chandrashekharashtakam (Chandrashekhara Pahimam) (श्री चन्द्रशेखराष्टकम् (चन्द्रशेखर पाहि माम्)) is a sacred devotional stotram dedicated to Shiva. Devotees recite it during morning and evening prayers, festivals, and pujas to invoke divine blessings, remove obstacles, and cultivate inner peace.
Chandrashekharashtakam (Chandrashekhara Pahimam) is a Sanskrit stotram (श्री चन्द्रशेखराष्टकम् (चन्द्रशेखर पाहि माम्)). Dharmasthan shows it in the original Devanagari script and in English letters for easy pronunciation.
You can read the complete lyrics of Chandrashekharashtakam (Chandrashekhara Pahimam) with its English meaning in Dharmasthan's Bhakti Library, free and with no account required. Use Print for a puja sheet, or Chant this to count recitations.
Tap Chant this to open Chandrashekharashtakam (Chandrashekhara Pahimam) in the free Jap Counter. The words stay on screen while you count by tapping the wheel or, for most hymns, by voice: turn on the mic and each full recitation adds one. Pick 3, 7, 21, 108 or 1008, or your own number; a chime sounds when you reach it.
Authentic cultural text verified on Dharmasthan. Spotted a wrong word or a missing verse? Report a correction.
Read with purity of heart and devotion 🙏
More Shiva Stotrams →शिवताण्डव स्तोत्रम्
आरती संग्रह
👁 9शिव अष्टोत्तर शतनामावली (१०८ नाम)
आरती संग्रह
👁 8शिव मानस पूजा (आदिशंकराचार्य)
आरती संग्रह
👁 7बिल्वाष्टकम्
आरती संग्रह
👁 6लिङ्गाष्टकम्
आरती संग्रह
👁 5रुद्राष्टकम्
आरती संग्रह
👁 4